Gelýän hepdäniň başynda Türkmenistanyň welaýatlarynyň aglabasynda ýagşyň ýagmagyna we güýçli şemalyň öwüsmegine garaşylýar. Kä ýerlerde şemalyň tizligi sekuntda 21 metre ýeter. Daşoguz welaýatynda garyň ýagmagy ahmal. Ýurduň çäginde howanyň ortaça temperaturasy +9,6 gradus bolar.
TmCars.info geljek hepde ýurdumyzda garaşylýan howanyň ýagdaýy barada meteorologlaryň berýän çaklamasyny dykgatyňyza ýetirýär.
Aşgabatda we Ahal welaýatynda duşenbe güni howanyň +14 gradusa çenli gyzmagyna garaşylýar. Sişenbe güni tizligi sekuntda 21 metre ýetýän güýçli şemalyň öwüsmegine garaşylýar, az-kem ýagyş ýagmagy ahmal. Çarşenbeden anna gününe çenli howanyň temperaturasy +8 gradusa düşer. Dynç günleri az-kem maýyl bolar: şenbede — +10, ýekşenbe güni — +14 gradus.
Balkan welaýatynda duşenbe güni +15 gradus bolar. Sişenbede howanyň +10 gradusa çenli aşaklamagyna, şeýle hem tizligi sekuntda 19 metre ýetýän güýçli şemalyň öwsüp, az-kem ýagyş ýagmagyna garaşylýar. Çarşenbe güni +8 gradusa çenli aşaklandan soň, howanyň ýene-de maýlap başlamagyna garaşylýar. Eýýäm penşenbe güni +10, annada — +12 gradus bolar. Dynç günleri +11-den +14 gradusa ýetýän howa bolar.
Daşoguz welaýatynda duşenbe güni howanyň temperaturasy +8 gradus bolar. Sişenbede az-kem ýagyş ýagyp, tizligi sekuntda 17 metre ýetýän güýçli şemalyň öwüsmegi mümkin. Çarşenbe güni ýagyş gatyşykly gar ýagyp, howanyň temperaturasynyň +4 gradusa düşmegi mümkin. Penşenbe we anna günleri +5 gradus bolar. Şenbede +3 gradusa düşüp, ýekşenbe güni +8 gradusa çenli ýokarlanar.
Mary welaýatynda hepdäniň başynda +15 gradus bolmagyna garaşylýar. Sişenbe güni tizligi sekuntda 15 metre ýetýän güýçli şemalyň öwüsmegi we az-kem ýagyş ýagmagy ahmal. Çarşenbe güni +7 gradus bolar. Penşenbe we anna günleri +9 gradus, şenbe we ýekşenbe günleri +10 gradus bolar.
Diňe Lebap welaýatynda güýçli şemalyň öwüsmegine we ýagşyň ýagmagyna garaşylmaýar. Duşenbede howanyň temperaturasy +12 gradusa ýeter. Sişenbede +15 gradus bolar. Çarşenbeden şenbe aralygynda +7 gradus bolar. Ýekşenbe güni howanyň +12 gradusa barmagyna garaşylýar.
