SpaceX Hindistanda golçur kärhanasyny döretdi

  • 04.11.2021 08:20
  • 4.9k+

Ilon Maskyň SpaceX kompaniýasynyň bölümçesi Starlink Hindistanda golçur kärhanasyny döretdi. Kompaniýa Hindistanyň hökümetinden rugsat alan ýagdaýynda 2022-nji ýylyň dekabr aýyndan ýurtda hemra aragatnaşygy arkaly giň zolakly internet hyzmatlaryny hödürläp başlamagy meýilleşdirýär. Bu barada “The Hindu” gazeti habar berýär diýip, TASS belleýär.

“Men SpaceX-iň indi Hindistanda 100 göterim golçur kärhanasynyň bardygyny habar bermäge şat. Ol 2021-nji ýylyň 1-nji noýabrynda hasaba alyndy. Kompaniýa Starlink Satellite Communications Private Limited (SSCPL) diýlip atlandyrylýar. Indi biz ygtyýarnama üçin arza bermäge, bank hasaplaryny açmaga we ş.m başlap bilýäris” – diýip, gazet Hindistanda Starlink-iň sebit müdiri Sanjaý Bhargawyň sözlerini getirýär.

Onuň aýtmagyna görä, Starlink Hindistandan 5 müňden gowrak deslapky sargydy aldy. Kompaniýa her müşderiden $99 ýa-da 7350 rupiýa möçberinde girew alyp, beta-synag döwründe maglumatlary ibermegiň tizligini sekuntda 50-den 150 megabit aralygynda üpjün edýändigini nygtaýar.

Oktýabr aýynda ABŞ-nyň Starlink we Amazon kompaniýalary Hindistana hemra arkaly giň zolakly aragatnaşygy döretmekde kömek bermegi teklip etdiler.

Amazon Kuiper taslamasy arkaly Hindistanda hemra internet hyzmatlaryny döretmäge maýa goýmak isleýär. Onuň üstünlikli durmuşa geçirilmegi kompaniýanyň ýolbaşçysy Jeff Bezosa Hindistanyň internet söwdasynyň ep-esli bölegine gözegçilik etmäge mümkinçilik berer.


03.10.2025 17:01
7.8k+

Ilon Mask baýlygy ýarym trillion dollara ýeten ilkinji adam boldy

2025-nji ýylyň 1-nji oktýabrynda amerikaly işewür, Tesla we SpaceX kompaniýalarynyň ýolbaşçysy Ilon Mask Forbes žurnalynyň hasaby boýunça baýlygy 500 mlrd dollara ýeten taryhda ilkinji adam boldy. Milliarderler indeksiniň maglumatlaryna görä, milliarderiň baýlygy bu görkezijä Tesla-nyň paýnamalarynyň 4% ýokarlanmagy netijesinde ABŞ-nyň gündogar wagty bilen 15:30-da (Aşgabat wagty bilen 00:30) ýetdi...

18.09.2025 09:52
3k+

Tesla-nyň paýnamalary Maskyň kömegi bilen gymmatlap, 2025-nji ýyldaky ýitgileriniň öwezini doldy

Duşenbe güni Tesla kompaniýasynyň baş direktory Ilon Mask 2020-nji ýyldan bäri ilkinji gezek, takmynan, 1 mlrd dollarlyk paýnama satyn alandan soň, kompaniýanyň paýnamalary sişenbe güni söwdada 8,7% gymmatlady...

10.09.2025 23:31
10k+

Larri Ellison bir günde 101 mlrd dollar baýap, Maskdan dünýäniň iň baý adamy adyny aldy

Oracle korporasiýasynyň ýolbaşçysy Larri Ellison Bloomberg-de baýlaryň sanawynda ilkinji gezek birinji ýeri eýeledi. Ol Tesla we SpaceX kompaniýalarynyň esaslandyryjysy Ilon Maskdan öňe geçdi. Agentligiň maglumatyna görä, Ellisonyň baýlygy 393 mlrd dollara ýetdi, Maskyň baýlygy bolsa 385 mlrd dollar boldy...

08.09.2025 17:13
11k+

Tesla Maska 10 ýyl zähmet hakyndan ýüz öwrüp, 1 trln dollarlyk paýnama almagy teklip etdi

Tesla-nyň müdirler geňeşi Ilon Mask üçin geljek on ýyla niýetlenen sylag meýilnamasyny hödürledi. Resminamanyň şertlerine görä, işewür zähmet hakyndan we bonuslardan ýüz öwrer, onuň deregine bolsa kompaniýanyň 1 trln dollarlyk paýnamalaryny alyp biler...