Göwrümi 500 TB bolan kompakt disk döredildi

  • 31.10.2021 23:19
  • 7.3k+

Angliýanyň Sauthempton uniwersitetiniň alymlary diametri 127 mm we galyňlygy 4 mm bolan "bäş ölçegli" kwars aýna diskini döretdiler. Hünärmenler, diske 500 TB maglumat ýazmaga mümkinçilik berýän täze usuly teklip etdiler. Bu barada msn.com habar berdi.

Alymlar şeýle diskiň maglumatlary 14 milliard ýyllap saklap biljekdigini, munuň bolsa tutuş älemiň 13,8 milliard ýyllyk ýaşyndan hem has uzyndygyny habar berdiler. 5D-ýazgynyň täze usuly kwars aýnasynyň ýüzünden lazer mikro impulslaryny geçirmekden ybaratdyr. Olaryň kömegi bilen ýazgynyň berkligi ýokarlanýar. Häzirki wagtda alymlar 500 TB maglumaty ýazmagy başardylar.

Teklip edilýän usul diskleriň üstünde “bäş ölçeg” döredýär: disk ýazylanda, lazer impulslary onda dürli görnüşli iri mikrokristallary döredýär; her mikrokristalyň göwrümi, şeýle hem okalanda ondan gaýdýan ýagtylyk impulsynyň güýji we polýarizasiýasy hem şol "bäş ölçegi" emele getirýär.

Alymlaryň pikiriçe, beýle diskler kitaphanalar, muzeýler, arhiw hyzmatlary, döwlet guramalary, hususy kompaniýalar we umuman alanyňda, möhüm maglumatlary ygtybarly saklamak bilen gyzyklanýan ähli ulanyjylar üçin zerurdyr.


düýn 18:47
2.6k+

Geohimikler altynyň gelip çykyşyny düşündirdiler: ol Ýeriň özeninden syzylyp çykýar

Germaniýanyň Göttingen uniwersitetiniň geohimikleri görlüp-eşidilmedik açyş etdiler. Olaryň barlaglary altynyň we beýleki gymmatly metallaryň üstki gatlaga Ýeriň özeninden syzylyp çykýandygyny subut etdi. Nature žurnalynda çap edilen ylmy makalada bu prosesiň milliardlarça ýyllap dowam edýändigi aýdylýar...

düýn 13:56
2.3k+

Paleontologlar Ispaniýada stegozawryň gowy saklanyp galan kelleçanagyny tapdy

Ispan paleontologlary möhüm tapyndy barada habar berdi. Ýurduň gündogaryndaky Teruel welaýatynda geçirilen gazuw-agtaryş işleri wagtynda stegozawryň kelleçanagy tapyldy – ol örän gowy ýagdaýda saklanyp galypdyr...

düýn 13:53
3.1k+

Indoneziýanyň kenaryndaky Ýuwaş ummanynyň düýbünde gadymy dünýäniň yzlary tapyldy

Indoneziýanyň kenarlarynda, Ýawa bilen Madura adalarynyň arasyndaky bogazyň düýbünde suwa giden gadymy jülgäniň yzlary tapyldy. Häzir bu ýerde ummanyň ýalpak ýeri bar diýip, Daily Mail habar berýär. Geologlar Sumatra, Ýawa we Borneo adalarynyň arasyndaky umman düýbüniň birwagtlar gury ýer bolandygyny bireýýäm kesgitläpdi...

31.05.2025 16:19
2.6k+

Urguda gataýan ýumşak motosikl şlemi döredildi

«D3O» kompaniýasy dünýäde ilkinji gezek nenýuton materialyndan taýýarlanan podkladkaly motosikl şlemini işläp düzdi. Adaty ýagdaýda ol ýumşak bolýar, emma urgy wagtynda tiz wagtda gatap, goragy üpjün edýär. Täze önümiň 2027-nji ýylda satuwa çykarylmagyna garaşylýar diýip, «ITHome» habar berýär...