Aşgabatda Eýranyň IRNA agentliginiň wekilligi açylar

30.10.2021 03:40
6.1k+

Eýran Yslam Respublikasynyň Habarlar agentligi (IRNA) Türkmenistanda öz wekilhanasyny açar. Bu barada Tähranda geçirilen Ykdysady hyzmatdaşlyk boýunça türkmen-eýran bilelikdäki hökümetara toparynyň nobatdaky mejlisinde toparyň eýran tarapyndan başlygy, ýurduň ýol we şähergurluşyk ministri Rostame Gasemi habar berdi.

TmCars.info-nyň ozal habar berşi ýaly, 26-27-nji oktýabrda Tähranda bilelikdäki türkmen-eýran hökümetara toparynyň nobatdaky 16-njy mejlisi geçirildi we onuň jemleri boýunça toparyň başlygy R.Gasemi žurnalistlere iki ýurduň arasyndaky ykdysady, söwda, ylmy we medeni hyzmatdaşlygy ösdürmegiň geljekki ugurlary, şol sanda KHBS ulgamynda hyzmatdaşlyk barada maglumat berdi. Onuň belleýşi ýaly, mejlisiň dowamynda taraplar Aşgabatda IRNA-nyň sebitleýin wekilligini açmak hakynda ylalaşdylar.

Mälim bolşy ýaly, IRNA Eýran Yslam Respublikasynyň resmi habarlar agentligi bolup, ol Hökümet tarapyndan dolandyrylýar hem-de Medeniýet we yslam ugry ministrligi tarapyndan gözegçilik edilýär. www.irna.ir saýtynda internet arkaly işleýän bu agentlik birnäçe döwürleýin neşirleri hem çap edýär. Ýurduň çäginde onuň 60 sany edarasy bolup, dünýäniň 30-a golaý döwletinde bolsa wekilhanalary bar.

Türkmenistanda Täze ýyl Baş arçasynyň yşyklary ýakyldy

şu gün 10:23

6.1k+

Türkmenistanda Täze ýyl Baş arçasynyň yşyklary ýakyldy

15-nji dekabrda Aşgabatda ýurdumyzyň Baş arçasynyň yşyklaryny ýakmak dabarasy geçirildi. Baş arça Aşgabadyň gözel künjekleriniň biri bolan “Älem” medeni-dynç alyş merkeziniň öňündäki meýdançada oturdyldy. Aýazbabadyr...

Gar gatyşykly ýagyş ýagar: Türkmenistanda hepdelik howa maglumaty (15.12 - 21.12)

düýn 08:54

8.7k+

Gar gatyşykly ýagyş ýagar: Türkmenistanda hepdelik howa maglumaty (15.12 - 21.12)

Türkmenistanyň Daşky gurşawy goramak ministrliginiň Gidrometeorologiýa baradaky gullugy ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda üýtgäp durýan bulutly howa bolup, hepdäniň ortasynda gar gatyşykly ýagyş ýagar...

Türkmenistanyň hemişelik Bitaraplygynyň 30 ýyllygy mynasybetli Aşgabatda baýramçylyk konserti boldy

13.12.2025 17:03

5.4k+

Türkmenistanyň hemişelik Bitaraplygynyň 30 ýyllygy mynasybetli Aşgabatda baýramçylyk konserti boldy

12-nji dekabrda Halkara parahatçylyk we ynanyşmak ýyly, Halkara Bitaraplyk güni, Türkmenistanyň hemişelik Bitaraplygynyň 30 ýyllygy mynasybetli medeniýet we sungat ussatlarynyň baýramçylyk konserti boldy. Oňa Prezident Serdar Berdimuhamedow ýurdumyzda geçirilen halkara çärelere gatnaşmak üçin Aşgabada gelen daşary ýurtlaryň döwlet we hökümet Baştutanlary bilen bilelikde gatnaşdy...

Döwletliler köşgünde we Arkadag şäherindäki sagaldyş-dikeldiş merkezinde terbiýelenilýän çagalara sowgatlar gowşuryldy

12.12.2025 15:21

3.2k+

Döwletliler köşgünde we Arkadag şäherindäki sagaldyş-dikeldiş merkezinde terbiýelenilýän çagalara sowgatlar gowşuryldy

11-nji dekabrda Aşgabatdaky Döwletliler köşgünde bilim-terbiýe alýan çagalar hem-de Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde terbiýelenilýän we saglygy dikeldilýän çagalar dürli datly miwelerden, süýjülik we beýleki naz-nygmatlardan ybarat sowgatlary kabul etdiler...