«Turkish Airlines» hereket ediş möhletiniň gutarandygy sebäpli Türkmenistandan raýatlara satyn alnan petekleriň pullaryny yzyna gaýtaryp berer. Bu barada awiakompaniýanyň wekili habar berdi. Hünärmen awiapetekleri yzyna gaýtarmaklygyň gysga möhletde we 2021-nji ýylyň 30-njy dekabryndan gijä galman amal edilmelidigini belledi diýip, «Atavatan Türkmenistan» habar berýär.
Ýatyrylan gatnawlar üçin tölegleri ýolagçylar «Turkish Airlines-iň» Aşgabatdaky edarasyna ýüz tutup alyp bilerler. Salgy: «Berkarar» Işewürlik merkezi, Atatürk köçesi 82, 1-nji gat, A7-A8.
Ýatlap geçsek, ýaramaz epidemiologik ýagdaý zerarly girizilen çäklendirmeler sebäpli Türkmenistan bilen Türkiýäniň arasyndaky yzygiderli howa gatnawlary wagtlaýyn togtadyldy.
Häzirki wagtda «Turkish Airlines» kompaniýasy diňe ýörite gatnawlary amala aşyrýar. Bu gatnawlaryň aglabasy Stambul-Türkmenabat-Stambul we Stambul-Türkmenbaşy-Stambul aralygynda ýerine ýetirilýär.
Ýakynda wagtda kompaniýa 4 sany halkara gatnawyny amala aşyrmagy meýilleşdirýär. Olaryň biri 24-nji oktýabra meýilleşdirildi.
