Tesla 2021-nji ýylyň noýabr aýynda Germaniýada täze awtomobil zawodyny işe girizer

  • 18.10.2021 18:58
  • 6.6k+

Berliniň golaýynda gurlan Tesla Gigafactory Berlin-Brandenburg zawody GFR-iň häkimiýetlerinden işe girişmek üçin degişli rugsatnamany alandan soň, 2021-nji ýylyň noýabr aýynda elektrokarlaryň önümçiligine başlar. Bu barada Tesla kompaniýasynyň ýolbaşçysy Ilon Mask aýtdy diýip, avtonovostidnya.ru habar berýär.

Onuň aýtmagyna görä, bu zawod ýylda 520 müňe çenli ulag (ýagny, hepdede 10 müň birlik) çykaryp biler, ýöne iň ýokary önümçilik kuwwatyna çykmak üçin oňa azyndan bir ýyl gerek bolar. Şol wagta çenli, iň bolmanda, işiň ilkinji aýlarynda önümçilik göwrümi hepdede 5 müň awtomobil bilen çäklener. 

“Önümçiligiň göwrümini artdyrmak zawodyň gurluşygyna sarp edilenden hem köp wagt talap edýär” – diýip, Ilon Mask belleýär.

Şeýle-de, telekeçi kompaniýanyň ekologiýa taýdan arassa we bary-ýogy 45 sekuntda Model Y krossoweriniň tutuş kuzowyny ýygnamaga mümkinçilik berýän ýokary derejede awtomatlaşdyrylan önümçiligi döretmegi başarandygyny belledi.  

Berliniň golaýyndaky zawodda Tesla-nyň diňe iň gowy ulaglary – Model 3 sedany we ýokarda agzalan Model Y krossoweri çykarylar diýlip çaklanylýar. Wagtyň geçmegi bilen onuň konweýerine heniz hödürlenmedik Semi elektrik tirkeg çekijisi hem goşulyp bilner.


17.08.2025 23:39
2.3k+

Elektromobiller üçin täze batareýa adatdakydan has uzak hyzmat edip biler

CATL kompaniýasy özüniň rekord derejede uzak hyzmat etjek täze Naxtra natriý batareýasynyň aýratynlyklaryny tassyklady. Öndürijiniň maglumatlaryna görä, nazaryýetde ol 10 000 zarýad sikline çydamly bolup, sygymyň azyndan 85%-ini saklaýar...

14.08.2025 13:26
2.8k+

BYD 3000 at güýjünden hem gowrak kuwwaty bolan elektrik giperkaryny döretdi

BYD Hytaýda umumy kuwwaty 3019 at güýji bolan Yangwang U9 Track Edition elektrik giperkaryny hasaba aldy. Model baradaky jikme-jik maglumatlar we suratlar hytaý düzgünleşdirijisiniň katalogynda peýda boldy. Track Edition wersiýasy kuwwaty 960 kWt-dan 2220 kWt-a çenli güýçlendirilen Yangwang U9 sport awtoulagynyň binvadynda döredildi...

13.08.2025 12:47
16k+

Hytaýda BYD elektromobili yzly-yzyna üç gezek ýyldyrym urmasyna döz geldi

Hytaýyň Guansi awtonom sebitinde Beýhaý şäherindäki awtoserwis meýdançasynda adatdan daşary waka wideo düşdi. BYD Song Plus elektrik ulagynyň depesindäki bagaža birnäçe gezek çyldyrym urdy, netijede güýçli elektrik razrýadlary döredi...

11.08.2025 00:00
3.7k+

Chevrolet Silverado pikaby bir zarýadda rekord 1704 km-i geçip rekord goýdy

Chevrolet kompaniýasy bir zarýadda iň uzak aralygy geçen elektrik ulagy hökmünde täze dünýä rekordyny goýandygyny mälim etdi. Silverado kysymly pikabynyň batareýa bilen işleýän görnüşi 1704,6 kilometri geçmegi başardy diýip, Motor1 habar berýär...