Türkmen-özbek gepleşikleriniň jemi boýunça 23 ylalaşyk baglaşyldy. Olar haýsylar?

  • 06.10.2021 07:37
  • 14k+

Türkmenistanyň Prezidenti Gurbanguly Berdimuhamedowyň Daşkende nobatdaky resmi saparynyň çäklerinde ýokary derejeli gepleşikler tamamlanandan soňra, iki ýurduň ministrlikleriniň, sebitleriniň ýolbaşçylarynyň arasynda resminamalara gol çekmek dabarasy geçirildi. Resminamalar bukjasy 23 sany ylalaşykdan ybarat boldy. Bu barada özbek Lideriniň Metbugat gullugynyň president.uz saýty habar berýär.

Bellenilişi ýaly, Türkmenistanyň Prezidentiniň Özbegistana nobatdaky resmi saparynyň çäklerinde geçirilen gepleşikleriň jemleri boýunça gol çekilen 23 sany resminama ulag-aragatnaşyk, suw tygşytlaýjy tehnologiýalar, howpsuzlyk we jemgyýetçilik goraglylygy ýaly ugurlarda hyzmatdaşlygyň hukuk binýadyny pugtalandyrmaga gönükdirilendir. Ine, şol resminamalaryň sanawy:

  • Goňşy sebitlerde Söwda merkeziniň döredilmegini göz öňünde tutýan özbek-türkmen serhet söwda zolagynyň işini döretmek we düzgünleşdirmek hakynda Ylalaşyk;
  • Söwdanyň möçberini ýokarlandyrmak we kärhanalar bilen kompaniýalaryň arasynda özara peýdaly hyzmatdaşlygy giňeltmek hakynda Ylalaşyk;
  • Gümrük serhedinden daşalýan harytlar we ulaglar barada deslapky maglumatlaryň alyş-çalşygyny guramak hakynda Teswirnama;
  • Işewür toparlaryň wekilleri üçin wiza amallaryny ýeňilleşdirmek hakynda Ylalaşyk;
  • Raýatlaryň özara syýahatlary barada 2004-nji ýylyň 19-njy noýabrynda tassyklanan Ylalaşyga üýtgetme girizmek hakynda Teswirnama;
  • Raýatlaryň özara syýahatlary hakynda Teswirnama;
  • Iki ýurduň Adalat ministrlikleri we Ylymlar akademiýalarynyň arasynda hyzmatdaşlyk etmek hakynda Ähtnama;
  • 2024-nji ýyla çenli medeni-ynsanperwer ulgamda hyzmatdaşlyk etmegiň  Maksatnamasy;
  • Biologik köpdürlüligi goramak hakynda Ylalaşyk;
  • 2025-nji ýyla çenli goşmaça karantin çäreleri we ösümlikleri goramak hakynda Meýilnama;
  • Mineral dökünler, oba hojalyk tehnikalary we energetika ulgamynda Ykdysady ylalaşyk;
  • Himiýa senagaty boýunça Ähtnama;
  • Maýa goýum hyzmatdaşlygy we harytlaryň özara söwdasy hakynda Ähtnama;
  • Metrologiýa ulgamynda Ähtnama;
  • Statistika we iş bilen üpjünçilik ulgamynda Ähtnama;
  • Suw tygşytlaýjy tehnologiýalar ulgamynda hyzmatdaşlyk hakynda Ähtnama;
  • Demir ýol edaralarynyň arasynda üstaşyr ulgamynda hyzmatdaşlygy giňeltmek hakynda Ähtnama;
  • Maglumat tehnologiýalary ulgamynda hyzmatdaşlyk hakynda Ähtnama;
  • Gurlan — Daşoguz geçiriş nokadyny işe girizmek hakynda Teswirnama.

şu gün 13:36
2.4k+

Türkmenistanyň we Özbegistanyň daşary işler ministrleri öňde boljak bilelikdäki çäreleri maslahatlaşdylar

28-nji iýulda Türkmenistanyň wise-premýeri, daşary işler ministri Raşid Meredow bilen Özbegistanyň daşary işler ministri Bahtiýor Saidowyň arasynda telefon arkaly söhbetdeşlik geçirildi. Özbegistanyň DIM-niň habar bermegine görä, taraplar iki ýurduň arasyndaky strategik hyzmatdaşlygy berkitmek, hyzmatdaşlygyň täze ugurlaryny ösdürmek hem-de öňde boljak sebit we halkara çäreleri ara alyp maslahatlaşdylar...

şu gün 13:13
1.9k+

Bakuwda türkmen-azerbaýjan hökümetara toparynyň mejlisi geçirildi

28-nji iýulda Bakuwda Türkmenistanyň we Azerbaýjan Respublikasynyň arasyndaky Ykdysady we ynsanperwer ugurlarda hyzmatdaşlyk boýunça bilelikdäki Hökümetara toparynyň 8-nji mejlisi geçirildi. Mejlis Türkmenistanyň wise-premýeri Nökerguly Atagulyýewiň we Azerbaýjanyň ykdysadyýet ministri Mikail Jabbarowyň başlyklyk etmeginde geçirildi...

düýn 14:47
2.2k+

Türkmenistanyň biržasynda geçen hepdede baglaşylan geleşikleriň bahasy 96 mln dollardan geçdi

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 19-sy hasaba alyndy. Geleşikleriň jemi bahasy ABŞ-nyň 96 million 517 müň dollaryndan gowrak boldy. Daşary ýurt puluna Birleşen Arap Emirlikleriniň, Türkiýäniň we Owganystanyň telekeçileri “Türkmenhimiýa” döwlet konserniniň kärhanasynda öndürilen suwuklandyrylan gazy, karbamidi satyn aldylar...

düýn 14:01
6.3k+

Türkmenistanyň wekiliýeti Russiýada geçirilen Halkara ekologiýa maslahatyna gatnaşdy

25-nji iýulda Türkmenistanyň wise-premýeri N.H.Atagulyýewiň ýolbaşçylygyndaky Türkmenistanyň wekiliýeti Russiýa Federasiýasynyň Altaý Respublikasynda geçirilen Halkara ekologiýa maslahatyna gatnaşdy. Bu barada Türkmenistanyň DIM-nde habar berdiler...