Türkmenistanda bahasy 37 milliard dollardan gowrak iri desgalaryň 2,5 müňe golaýy gurulýar

  • 27.09.2021 07:57
  • 13k+

Häzirki döwürde Türkmenistanda umumy bahasy 37 milliard amerikan dollaryndan hem gowrak bolan 2,5 müňe golaý iri desganyň gurluşygy alnyp barylýar. «Dünýäde dowam edýän çylşyrymly ýagdaýlara garamazdan, biz ählumumy ykdysady çökgünligiň ýurdumyzyň ykdysadyýetine ýetirýän täsirini azaltmak boýunça uly işleri dowam etdirýäris» diýip, türkmen Lideri Halk Maslahatynyň nobatdaky mejlisinde bu barada aýratyn nygtady.

Gurbanguly Berdimuhamedowyň nygtaýşy ýaly, býujet ulgamynyň durnukly bolmagyny gazanmak, döwletiň çykdajylar boýunça borçnamalaryny ýerine ýetirmegini netijeli dolandyrmak, raýatlaryň ýaşaýyş-durmuş şertlerini gowulandyrmak babatda zerur işleri amala aşyrýarys. «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasyna» laýyklykda, şäher we oba ýerleriniň üpjünçilik ulgamlaryny ösdürmek, ýurdumyzy senagat taýdan ösen döwlete öwürmek, ulag-logistika üpjünçilik ulgamlaryny döretmek boýunça zerur işler alnyp barylýar.

Bellenilişi ýaly, Aşgabatda täze iri ýaşaýyş toplumlarynyň, Ahal welaýatynyň edara ediş merkeziniň, şeýle hem ýurdumyzyň dürli sebitlerinde häzirki zaman obalarynyňdyr şäherçeleriniň gurluşygy ýokary depginlerde dowam edýär. Ýurdumyzyň Garaşsyzlygynyň 30 ýyllyk şanly baýramy mynasybetli 30 desgany ulanmaga bermek göz öňünde tutulypdy. Ýöne, mähriban halkymyzyň yhlasly we tutanýerli zähmeti netijesinde, ýanwar — sentýabr aýlarynda 56 sany iri desga, şol sanda umumy meýdany 509 müň inedördül metr bolan ýaşaýyş jaýlary ulanmaga berildi.

Ýylyň ahyryna çenli ýene-de 14 sany iri desgany we ýaşaýyş jaý toplumlarynyň birnäçesini ulanmaga bermek göz öňünde tutulýar.

Şu ýylyň 8 aýynyň jemleri boýunça, geçen ýylyň degişli döwri bilen deňeşdirilende, jemi içerki önümiň möçberi 6,2 göterim artdy. Bu bolsa ýurdumyzyň ykdysady kuwwatynyň has-da berkeýändiginiň we öňde goýlan wezipeleriň üstünlikli çözülýändiginiň aýdyň subutnamasydyr.


18.03.2025 12:50
5.3k+

Aşgabatda "Türkmenistanyň geljegine maýa goýumlar" halkara forumy işläp başlady

Şu gün, 18-nji martda «Ýyldyz» myhmanhanasynda Türkmenistanyň hususy pudagyna maýa goýumlary çekmäge gönükdirilen «Türkmenistanyň geljegine maýa goýumlar» (IFT-2025) atly halkara forum öz işine başlady. Forum Türkmenistanyň...

17.03.2025 07:46
2.5k+

Aşgabatda telekeçileriň sergisi we maýa goýumlar boýunça halkara forum öz işine başlaýar

Şu gün, 17-nji martda Söwda-senagat edarasynyň binasynda Türkmenistanyň Senagatçylar we telekeçiler birleşmesiniň döredilmeginiň 17 ýyllygy mynasybetli sergi hem-de «Türkmenistanyň geljegine maýa goýumlar» atly...

30.10.2024 18:12
3.9k+

Türkmenistanda B2B marketpleýsleri ulanmagyň artykmaçlyklaryny tanyşdyryş çäreleri geçiriler

Türkmenistanyň Senagatçylar we telekeçiler birleşmesi ýurdumyzyň welaýatlarynda we Aşgabat şäherinde “B2B”, ýagny “biznesden biznese” derejesinde  (kärhanalaryň we telekeçileriň arasynda) elektron söwdany alyp...

13.10.2024 23:47
1.9k+

Aşgabatda Türkmenistanyň we Mongoliýanyň işewürleriniň maslahaty geçirildi

12-nji oktýabrda Aşgabatda türkmen-mongol işewürlik maslahaty geçirildi. Bu barada TDH habar berýär. Bellenilişi ýaly, maslahata Mongoliýanyň ugurdaş ministrlikleriniň we pudaklaýyn dolandyryş edaralarynyň, hususy...