Internetde Ýaponiýanyň häkimiýetleri tarapyndan oýlanyp tapylan gyzykly taslama barada maglumatlar peýda boldy. Olar 2025-nji ýyla çenli energiýany saklamak we daşamak üçin niýetlenen dünýädäki ilkinji gäminiň gurluşygyny tamamlamagy meýilleşdirýärler. Bu barada ferra.ru belleýär.
Bu taslama bilen PowerX meşgullanar diýip, “Saur Energ” neşiri habar berýär. Häzirki wagtda ol “Power ARK 100” diýlip atlandyrylýar, ýöne wagtyň geçmegi bilen onuň ady üýtgedilip bilner. Gäminiň gurluşy trimaran görnüşinde bolar. Onuň palubasynda akkumulýator batareýaly konteýnerler ýerleşdiriler. Olaryň heri biri 2 MWt/s energiýa saklar.
Gäminiň umumy ýük göterijiligi örän uly bolup, onuň bortunda umumy kuwwaty 200 MWt/s bolan 100 töweregi batareýa ýerleşer diýlip pikir edilýär. Bu günüň dowamynda 22 müňe golaý öý hojalygyny energiýa bilen üpjün etmek üçin ýeterlikdir.
Trimaranyň geçjek ýoly elektrohodda 300 km ýa-da elektrik çekiş güýjüniň biodizel bilen birleşmeginde 1-3 müň km bolar. Munuň Ýaponiýanyň kenarýaka zolagynda gurlan ýel elektrik stansiýalaryna gatnawlary amala aşyrmak üçin ýeterlik bolmagyna garaşylýar.
