2021-nji ýylyň mart aýynda Ýewropa Bileleşiginiň ýurtlary Türkmenistandan 12028 tonna nebit ýaglaryny we bitum minerallaryndan alnan ýaglary (çig nebitden başga), şeýle-de 70 göterim nebit ýaglaryny ýa-da bitum minerallaryndan alnan ýaglary saklaýan serişdeleri import etdiler diýip, Ýewrostata salgylanyp Trend habar berýär.
Ýokarda agzalan importyň bahasy 4,7 mln ýewro ýetdi.
Şol bir wagtyň özünde, 2021-nji ýylyň fewral aýynda ýokarda agzalan önümleriň importynyň möçberi 57 678 tonna (21,7 mln ýewro), ýanwar aýynda 22 362 tonna (7,935 mln ýewro) barabar boldy.
Şeýle-de, ÝB ýurtlary tarapyndan nebit ýaglarynyň we bitum minerallaryndan alnan ýaglaryň, şeýle hem 70 göterim nebit ýaglaryny ýa-da bitum minerallaryndan (çig nebitden başga) alnan ýaglary saklaýan serişdeleriň importy 2020-nji ýylda 2,3 mln ýewro umumy baha bilen 4 921 tonna barabar boldy.
Ýatlap geçsek, ÝB ýurtlary 2020-nji ýylyň ýanwar-noýabr aýlarynda Türkmenistandan 270900 tonna nebit önümlerini we gazylyp alynýan peýdaly bitum minerallaryndan we çig nebitden alnan ýaglary import etdiler.
Mundan başga-da, hasabat döwründe Ýewropa Bileleşiginiň ýurtlary tarapyndan Türkmenistandan 271 tonna nebitden we bitum minerallaryndan (çig nebiti hasaba almazdan) alnan ýaglar, şeýle-de 70 göterim we ondan hem köp bitum minerallaryndan we nebitden alnan ýaglary saklaýan serişdeler import edildi.
Şeýle-de, Türkmenistandan 271,1 tonna nebit gazy we beýleki gaz görnüşli uglewodorodlar eksport edildi.
