Hytaýda üç ýaşa çenli çagalar üçin Sinovac koronawirusa garşy sanjymyny gyssagly ulanmaga rugsat berildi. Heniz dünýäde hiç bir ýurduň beýle töwekgelçilikli ädim ätmändigine garamazdan, düzgünleşdiriji (regulýator) şeýle karara geldi diýip, AFP habar berdi.
Netijede, Hytaý bu ýaş kategoriýasy üçin koronawirusa garşy sanjymy tassyklan dünýäde ilkinji ýurt boldy. Derman kompaniýasynyň wekili sanjymyň üç ýaşa çenli çagalar üçin howpsuz diýlip ykrar edilendigini aýtdy. Şol bir wagtyň özünde, bäbeklere sanjym kampaniýasynyň haçanrak başlajakdygy belli däl, sebäbi bu kararyň halk köpçüliginiň garşylygy bilen hem ýüzbe-ýüz bolmagy ähtimal diýip, çeşme ýazýar.
Ondan öň Ýewropanyň derman serişdeleri agentligi 12-15 ýaşly çagalara sanjym etmek üçin Pfizer-iň ulanylmagyny resmi taýdan tassyklapdy. Öndürijiler bu sanjymyň şu ýaş topary üçin 100% täsirliligini nygtaýarlar.
