Türkiýäniň esasy şäherine – Stambula gelýän syýahatçylaryň sany on ýylyň içinde iň ýokary derejesine ýetip, görlüp-eşidilmedik rekordy goýdy. Şeýle maglumatlar resmi statistikada görkezilýär. Gürrüň iýul aýynyň görkezijileri barada bolup, bu döwürde Türkiýäniň “medeni paýtagtyna” 1,76 mln daşary ýurtly syýahatçy bardy. Geçen ýyl bilen deňeşdirilende, ösüş 56% boldy diýip, tourprom.ru belleýär.
Resmi statistika görä, ilkinji ýedi aýda ähli daşary ýurtly syýahatçylaryň 40%-den gowragy ýa-da Türkiýäniň kabul eden 23 million syýahatçysynyň 8,5 milliony Stambulyň paýyna düşdi. Şol bir wagtyň özünde, germaniýaly we britaniýaly syýahatçylaryň sany artdy. Ýagny, Stambula gelýän syýahatçylaryň sany boýunça reýtingiň birinji ornuny Germaniýa, ikinji ornuny Russiýa, üçünji ornuny bolsa ABŞ eýeleýär, Antalýada üçünji orunda Angliýa ýerleşýär.
Has takygy, Stambula 142 müň germaniýaly, 133 müň russiýaly we 97 müň amerikaly syýahatçy geldi. Dördünji orunda 95 müňe golaý syýahatçy bilen Eýran ýerleşýär. Şol bir wagtyň özünde, Türkiýä barmak boýunça birinji orny germaniýalylar – 2,99 mln, ikinji orny russiýalylar – 2,2 mln eýeleýär.
