«Mercedes-Benz» işgärlere sylag pullaryny (premiýalaryny) geljek ýyla çenli yza süýşürmek kararyna geldi we goşmaça tölegsiz iş hepdesiniň dowamlylygyny artdyrmak mümkinçiligini ara alyp maslahatlaşýar. Bu barada «Automobilwoche» neşiri habar berýär.
Ozal sylag pullarynyň tölenmegi kärdeşler arkalaşygy bilen ylalaşylypdy. Aýlyk zähmet hakynyň 18 göterimi möçberindäki sylag puly iýul aýynda takmynan 90 müň işgäriň hasabyna geçirilmeli-di. Ýöne kompaniýa tölegleri birtaraplaýyn tertipde geljek ýyla geçirdi.
Ýolbaşçylar şeýle hem goşmaça sagatlar üçin goşmaça tölegsiz, iş hepdesini 35 sagatdan 40 sagada çenli uzaltmak mümkinçiligini öwrenýärler.
Kärdeşler arkalaşygynyň wekilleri bu kararlary tankyt etdiler. Kompaniýada bu çäreleri çylşyrymly maliýe ýagdaýy bilen düşündirýärler. Geçen ýylyň jemleri boýunça «Mercedes-Benz Cars» bölüminiň göterimler we salgytlar çykylmazdan ozalky girdejisi 8,7 milliard ýewrodan 4,8 milliard ýewro çenli, konserniň umumy girdejisi bolsa 13,7 milliard ýewrodan 8,2 milliard ýewro çenli azaldy.
Belläp geçsek, ozal hytaý ulag öndürijileriniň tarapyndan bolýan bäsdeşligiň güýçlenmegi bilen baglanyşykly «BMW», «Mercedes-Benz», «Volkswagen» we «Stellantis» kompaniýalary awtoulaglar üçin umumy operasion ulgamy bilelikde işläp düzmek barada ylalaşypdylar.
