«Mançester Sitiniň» hüjümçisi Erling Holand dünýäde diňe 150 nusgada öndürilen seýrek Mercedes-Maybach Virgil Abloh awtoulagyny öz kolleksiýasyna goşdy.
Täze ulag eýýäm futbolçynyň öňdenem kaşaň ulaglary ýetik garajynyň bezegine öwrüldi diýip, The Sun neşiri habar berýär. Hakykatdan hem Holandyň kolleksiýasynda mundan başga-da Aston Martin DBX 707, Rolls-Royce Cullinan we Porsche 911 GT3 ýaly gymmat bahaly ulaglar bar.
«Louis Vuitton» moda öýüniň çeperçilik ýolbaşçysy merhum Wirjil Ablo bilen bilelikde döredilen bu model özüniň iki reňkli dizaýny bilen tapawutlanýar. Onuň ýokarky bölegi ýalpyldawuk gara, aşaky bölegi we diskleri bolsa gumuň reňkindedir.
Ulag 6,0 litrlik V12 goşa turbonadduwly hereketlendiriji bilen enjamlaşdyrylan. Superkar sagatda 250 km (155 mil) töweregi tizlik alýar. 0-dan 100 km/s (60 mil/s) tizlige çykmagy üçin bolsa bary-ýogy 4,5 sekunt ýeterlik.
Bu seýrek awtoulagyň bahasy takmynan 400 müň funt sterlinge (520 000 dollar) barabardyr.
