Mercedes kompaniýasy «Melgun Prada geýýär» («Дьявол носит Prada») filminiň ikinji bölüminiň hyzmatdaşy boldy — indi Miranda Pristli Mercedes-Maybach S-Class awtomobilini müner. Filmiň dünýä premýerasy 1-nji maýda bolar.
2006-njy ýyldaky ilkinji filmde Meril Stripiň gahrymany ekranda Mercedes-Benz S-Class awtomobilinde görünýär. Filmiň dowamynda bolsa ol salony el işi bilen bezelen täzelenen Mercedes-Maybach S-Class modeline geçýär.
Filmiň çykmagy mynasybetli guralan kampaniýa «Gelmegiň sungaty» (The Art of Arrival) diýen ady aldy. Taslamany döredijiler Pristliniň Maybach bilen duşuşygyny iki sany ikonanyň duşuşygy hökmünde häsiýetlendirýär.
«Melgun Prada geýýär–2» filminiň sýujetiniň merkezinde Enn Heteueýiň ýerine ýetirmeginde Endi Saks durýar. Ol «Runway» neşiriniň makalalar bölüminiň redaktory bolýar we ýene-de baş redaktor Miranda Pristli (Meril Strip) bilen çaknyşýar. Olaryň žurnaly täzeden dikeltmek synanyşygy Mirandanyň öňki birinji kömekçisi — indi bolsa täsirli Emili bilen duşuşyga getirýär.
«Melgun Prada geýýär–2» filminiň birinji tizeri 2025-nji ýylyň iň köp tomaşa edilen treýleri boldy. Ol ilkinji 24 sagadyň dowamynda 181,5 million gezek görüldi. Indiki wideo — sikweliň doly göwrümli treýleri — has-da meşhur boldy. Oňa bir gije-gündiziň dowamynda 222 million gezek tomaşa edildi — bu bolsa 20th Century Studios studiýasy üçin rekorddyr.
