«Super Mario: Galaktiki kino» multfilmi dünýä prokatynda 1 milliard dollardan gowrak girdeji gazanyp, bu sepgide ýeten 2026-njy ýylyň ilkinji filmi boldy.
«Deadline» neşiriniň maglumatlaryna görä, animasion lenta prokatyň onunjy hepde soňunda milliard dollarlyk sepgidi aşdy. Film bu netijäni 19-njy maýda onlaýn görkezilip başlanandygyna garamazdan gazandy.
Kassa ýygymlary boýunça film franşizanyň takmynan 1,36 milliard dollar gazanan birinji böleginden yza galýar. Iki filmiň üstünliginden soň, «Nintendo» kompaniýasy eýýäm üçünji bölümi işläp düzmäge başlady. Onuň görkezilişi 2029-njy ýyla meýilleşdirildi.
«Galaktiki kino-nyň» sýužeti «Super Mario» oýunlar seriýasynyň gahrymanlarynyň täze başdan geçirmeleri barada gürrüň berýär. Gahrymanlaryň esasy duşmany kakasyny azat etmek we patyşalygy basyp almak isleýän Bauzer-kiçi bolup çykyş edýär.
