Gyrgyzystanda 2026-njy ýylyň 1-31-nji iýuly aralygynda migrasiýa düzgünlerini bozan daşary ýurt raýatlary we raýatlygy bolmadyk adamlar üçin wagtlaýyn «ýaşyl koridor» dörediler. Bu hakyndaky degişli permana ýurduň prezidenti Sadyr Žaparow gol çekdi diýip, AkiPress agentligi habar berýär.
Täze resminama daşary ýurtlulara hiç hili administratiw jerime tölemezden, öz meýliň bilen ýurtdan çykyp gitmäge mümkinçilik berýär. Munuň üçin olar, ilki bilen, öz ýaşaýan ýerlerindäki polisiýa bölümine baryp, ýurtdan çykyş wizasy üçin gerek bolan resmi haty almaly. Şol hat alnandan soň, ýurtdan çykyş wizasy üçin elektron wizanyň resmi saýty arkaly garaşsyz ýagdaýda onlaýn arza tabşyrmaly.
Gyrgyzystanyň Daşary işler ministrliginiň habar bermegine görä, bu şertnama güýçde bolan döwründe çykyş wizalary üçin wiza tölegi alynmaz we ýurtda galmak düzgünlerini bozanlygy üçin jerimeler ulanylmaz.
Ministrlik bu ýeňillikden diňe polisiýa meýletin özüň baran we elektron wiza saýtyndan arzany hiç hili araçysyz, özbaşdak tabşyran ýagdaýyňda peýdalanyp boljakdygyny aýratyn nygtady.
2026-njy ýylyň 31-nji iýulynda sagat 23:59-dan soň tabşyrylan arzalara seredilmez. Şol sebäpli ministrlik daşary ýurt raýatlaryna resminamalary resmileşdirmegi soňa goýmazlygy maslahat berýär.
