Ýewropa Bileleşigi tarapyndan 2024-nji ýylyň maýynda kabul edilen Migrasiýa we gaçybatalga baradaky pakt ÝB-niň ähli ýurtlarynda güýje girdi.
Ýewrokomissiýanyň başlygy Ursula fon der Lýaýeniň mälim etmegine görä, täze düzgünler daşarky serhetleriň has ygtybarly goralmagyny, döwletleriň arasynda jogapkärçiligiň adalatly paýlanmagyny hem-de migranatlara gaçybatalga bermek we olary yzyna gaýtarmak işleriniň netijeliligini ýokarlandyrmagy üpjün etmelidir.
Pakt bikanun migrantlaryň hökmany suratda hasaba alynmagyny we howpsuzlyk barlagyndan geçirilmegine, serhet duralgalaryndaky amallaryň çaltlandyrylmagyna we halkara goragyny bermekden ýüz öwrülen şahsyýetleri ýurtdan çykarmagyň (deport etmegiň) has berk guralynyň döredilmegine esas berýär. Şeýle hem pktdan ugur alnyp, gaçybatalga almak üçin berilýän arzalara garamak möhletleri gysgaldylar we gaýtadan ýüz tutmalara garşy çäreler güýçlendiriler.
Ýewrokomissiýanyň soňky maglumatlarynda ÝB-niň serhetlerinden bikanun geçmek ýagdaýynyň eýýäm iki ýyl mundan ozalky görkezijiler bilen deňeşdirilende 55% azalandygy bellenilýär.
