Eýran Yslam Respublikasynyň howa giňişligine girizilen çäklendirmeleri nazara alyp, uçuşlaryň howpsuzlygyny üpjün etmek maksady bilen «Türkmenistan» awiakompaniýasy AGPJ tarapyndan ýerine ýetirilýän Aşgabat — Dubaý — Aşgabat we Aşgabat — Abu-Dabi — Aşgabat ugurlary boýunça howa gatnawlary 15-nji iýuna çenli togtadyldy. Bu barada resmi saýtda habar berilýär.
Ýatyrylan gatnawlaryň ýolagçylary awiabiletlerini hiç hili tutumsyz doly yzyna gaýtaryp ýa-da iň ýakyn amatly senelere mugt üýtgedip biler. Munuň üçin biletleri satyn alan ýerleriňize ýa-da awiakompaniýanyň wekilhanalaryna ýüz tutmak maslahat berilýär. Resmi https://turkmenistanairlines.tm/ web sahypasyndan we onlaýn platformalardan satyn alnan biletleriň pul serişdeleri bolsa töleg geçirilen bank kartyna yzyna gaýtarylar.
Awiakompaniýa ýüze çykan oňaýsyzlyklar üçin ötünç soraýar we uçuşlaryň ýagdaýy baradaky soňky maglumatlary resmi saýtdan hem-de habarlaşyk kanallaryndan yzarlamagy soraýar.
Habarlaşmak üçin maglumatlar:
1. Dubaý şäheri:
• Telefon belgisi: +971 50 280 05 08
• Elektron salgy: ticket.mida@gmail.com
2. Türkmenistan:
• Telefon belgileri: +993 12 39-17-78, 23-03-15, 23-03-18
• Elektron salgy: info@turkmenistanairlines.tm
