“Kasperskiniň laboratoriýasy” öz operasion ulgamy bolan howpsuz smartfony işläp düzýär. Kompaniýanyň baş direktory Ýewgeniý Kasperskiý täze enjam barada Sankt-Peterburg halkara ykdysady forumynda yglan etdi.
Tanyşdyryş çykyşy wagtynda ol smartfonyň prototipini görkezdi we enjamyň rus apparat platformasynda gurlandygyny aýtdy.
“Bu Android däl. Elbetde, bu iPhone hem däl. Bu Huawei däl, bu Samsung hem däl. Bu rus apparaty we operasion ulgamy özümiziňki. Bu asla Android däl. Mysal üçin, munuň web ulgamyna hüjüm etmek mümkin däl” - diýip, Kasperskiý aýtdy.
Kompaniýa dürli guramalar bilen hyzmatdaşlykda synag taslamalaryny geçirýär. Kompaniýanyň baş direktorynyň sözlerine görä, eýýäm smartfonyň ençeme onluk nusgasy bar.
Enjam bölek satuw üçin elýeterli däl. Işlenip düzüliş köpçülikleýin bazar üçin däl-de, esasan syýasatçylara we hökümet işgärlerine, ýagny maglumatyň howpsuzlygy möhüm bolan ulanyjylara gönükdirilendir.
Enjamyň erkin satuwa çykaryljak senesi mälim edilmedi.
“Entek edilmeli işler köp” - diýip, Kasperskiý belledi.
