3-nji iýunda Aşgabat şäheriniň Magtymguly adyndaky Milli sazly drama teatrynda Italiýa Respublikasynyň esaslandyrylmagynyň 80 ýyllygyna bagyşlanan «Festa della Musica» («Saz baýramy») atly dabaraly konsert bolar.
Bu medeni çäre Italiýanyň Aşgabatdaky Ilçihanasynyň hem-de Türkmenistanyň Medeniýet ministrliginiň goldamagynda guralýar. Tomaşaçylaryň öňünde dirižýor Resul Gylyjowyň ýolbaşçylygyndaky Döwlet simfoniki orkestri çykyş eder.
Konsert maksatnamasynyň esasy myhmany ýörite çagyrylan opera aýdymçysy — soprano Zoi Papas bolar. Bu sazly agşam italýan aýdym-saz däplerine we dünýä klassykasynyň meşhur eserlerine bagyşlanar.
Konsert sagat 19:00-da başlanýar.
Tomaşaçylar üçin giriş mugt bolup, petekleri teatryň kassasyndan almak mümkin.
