Ufaly (RF) paraalpinist Rustam Nabiýew Ewereste diňe elleri bilen dyrmaşyp çykan dünýäde ilkinji adam boldy. Ol 20-nji maýda Nepal wagty bilen sagat 8:16-da çür depä ýetdi.
34 ýaşly türgen daga çykyşy barada sosial ulgamdaky sahypasynda habar berdi. Nabiýew bu üstünligini özüniň durmuş ýoluny we sport gazananlaryny yzarlaýanlara bagyşlady.
«Bu hereketim bilen diňe bir zady aýtmak isleýän: içiňizde jan barka, göreşiň! Haýyş, iň soňuna çenli göreşiň! Bu muňa degýär» — diýip, türgen ýazdy.
Rustam Nabiýew alpinizm boýunça Ginnesiň rekordlar kitabynyň rekordçysy we bäş gezek dünýä rekordçysydyr.
2015-nji ýylda Omsk şäherindäki howa-desant goşunlarynyň okuw merkeziniň kazarmasynyň bir böleginiň ýumrulmagy netijesinde ol iki aýagyndan mahrum boldy. Şol heläkçilikde 24 adam aradan çykyp, 21 adam ýaralanypdy.
Dikeldişden soň Nabiýew sport bilen meşgullanyp başlady. Ilki ol slež-hokkeý (maýyplygy bolanlar üçin hokkeý) oýnady, 2020-nji ýylda bolsa alpinizm bilen meşgullanyp başlady.
Ozal türgen Kazbek, Ararat, Kilimanjaro, Elbrus, Akonkagua, Mera Pik we Manaslu daglarynyň depelerine çykdy.
