LEGO kompaniýasy «Harri Potter» franşizasy boýunça seriýanyň 25 ýyllygyna bagyşlanan sekiz sany täze toplumyň çykaryljakdygyny yglan etdi. Ilkinji bäş toplum 1-nji iýunda, galan üçüsi bolsa 1-nji awgustda satuwa çykar.
Iýun aýynda çykaryljak toplumlara şular girýär:
- 1182 bölekden ybarat «Dambldoryň kabineti»;
- 545 bölekden ybarat «Hogwarts fakultetleriniň tugrasy»;
- 379 bölekden ybarat «Dobbi: Azat elf»;
- 788 bölekden ybarat «Egri geçelge»;
- 244 bölekden ybarat «Gadagan edilen tokaý: Ekspekto Patronum».
Awgust aýynda bolsa LEGO şu toplumlary hödürlär:
- 2164 bölekden ybarat «Hogwartsyň gündogar ganaty»;
- 817 bölekden ybarat «Otlar baradaky ylym sapaklary»;
- 482 bölekden ybarat «Hagridiň aždarhasy: Norbert».
- Toplumlaryň bahasy 35 dollardan 275 dollara çenli bolar.
Mundan başga-da, 1-nji iýunda kompaniýa Sega oýun pristawkasyna bagyşlanan täze toplumyny hödürlär. Bu model 479 bölekden ybarat bolup, konsolyň we kontrolleriň görnüşini gaýtalaýar. Toplumyň ölçegi 11,5×15,5 santimetr bolar.
