Sony Pictures Entertainment kompaniýasy telewideniýe, kino we korporatiw bölümlerinden ýüzlerçe işgäri işden çykarmagy meýilleşdirýär diýip, «Variety» neşiri baş direktor Rawi Ahujanyň hatyna salgylanyp habar berýär.
Bu çözgüt guramanyň tutuş dünýä boýunça 12 müň işgäriniň bir bölegine täsir eder. Iş orunlarynyň azaldylmagy eýýäm başlandy we serişdeleri täzeden paýlamak strategiýasynyň bir bölegi hökmünde ýakyn aýlarda dowam eder.
Kompaniýadaky çeşmeleriň maglumatyna görä, işden boşatmalar has geljegi uly ugurlara: oýunlara, anime, interaktiw taslamalara we YouTube üçin kontentlere ünsi jemlemek islegi bilen baglanyşyklydyr.
Sony kompaniýasy «The Last of Us» (Bizden soňkular) serialynyň üstünliginden ugur alyp, Sony Group ekoulgamy bilen arabaglanyşygy güýçlendirmegi we PlayStation oýunlarynyň ekranlaşdyrylan görnüşlerini çykarmagyň sanyny artdyrmagy maksat edinýär.
Mundan ozal, Ahujanyň ýolbaşçylygynda kompaniýa Çarli Braun we Snupi baradaky komiksleriň gahrymanlaryna bolan hukuklary hem satyn alypdy.
