Pentagon näbelli anomal hadysalara degişli faýllary çap edip başlady.
Fewral aýynyň ahyrynda ABŞ-nyň Prezidenti Donald Tramp UNO bilen baglanyşykly hökümet resminamalarynyň gizlinligini aýyrmagy tabşyrypdy. Ol bu kararyny jemgyýetiň bu meselä bolan "örän uly gyzyklanmasy" bilen düşündirdi.
"Amerikan halky bu meselelerde has aýdyňlygy we açyklygy talap edýärdi, Prezident Tramp bolsa bu talaby ýerine ýetirýär" diýlip, ABŞ-nyň Goranmak ministrliginiň habarynda bellenilýär.
Resminamalaryň birinji bölümi ýörite döredilen saýtda köpçülige elýeterli edildi. Harby edara "zerurlyga görä" ol ýere täze maglumatlaryň goşuljakdygyny habar berdi.
Häzirki wagtda Pentagonyň, Federal derňew býurosynyň (FBR), NASA-nyň we ABŞ-nyň Döwlet departamentiniň arhiwlerinden alnan 162 sany faýl çap edildi. Häkimiýetler bu maglumatlaryň köpüsiniň henize çenli anyklanan anomaliýalary düşündirmek maksady bilen hiç kim tarapyndan seljerilmändigini nygtaýarlar.
