5-nji maýda Aşgabatda kärhanalar, guramalar, edaralar, hususy telekeçiler we şäheriň ýaşaýjylary üçin boş iş orunlarynyň hödürleniş çäresi geçiriler. Bu barada «Türkmenistan» gazetinde habar berilýär.
Çäre Aşgabat şäheriniň Zähmet we ilatyň iş bilen üpjünçiligi müdürligi tarapyndan Bagtyýarlyk, Berkararlyk, Büzmeýin we Köpetdag etraplarynyň degişli bölümleri, şeýle hem Türkmenistanyň Magtymguly adyndaky Ýaşlar guramasynyň şäher geňeşi we Türkmenistanyň Senagatçylar we telekeçiler partiýasynyň şäher komiteti bilen bilelikde guralýar.
Çäre sagat 9:00-dan 12:00-a çenli Saparmyrat Türkmenbaşy şaýolunyň 81-nji jaýynda ýerleşýän Türkmenistanyň Senagatçylar we telekeçiler partiýasynyň edara binasynda geçiriler.
Işe ýerleşmek isleýän raýatlar öz ýany bilen aşakdaky resminamalary getirmeli:
- Şahsyýetini tassyklaýan resminama;
- Zähmet depderçesi (bar bolsa);
- Hünärini tassyklaýan resminama.
Salgylar we habarlaşmak üçin telefonlar:
- Aşgabat şäheriniň ilatyň iş bilen üpjünçiligi bölümi: Atamyrat Nyýazow şaýoly, 148-nji jaý; tel: 39-34-56;
- Bagtyýarlyk etraby: Atamyrat Nyýazow şaýoly, 148-nji jaý; tel: 39-34-64;
- Berkararlyk etraby: Atamyrat Nyýazow şaýoly, 148-nji jaý; tel: 39-34-71;
- Büzmeýin etraby: Oguzhan köçesi, 8-nji jaý; tel: 35-12-69;
- Köpetdag etraby: Atamyrat Nyýazow şaýoly, 148-nji jaý; tel: 39-34-76;
- Türkmenistanyň Senagatçylar we telekeçiler partiýasy: Saparmyrat Türkmenbaşy şaýoly, 81-nji jaý; tel: 22-74-07;
- Ýaşlar guramasynyň Aşgabat şäher geňeşi: Garaşsyzlyk şaýoly, 104-nji jaý; tel: 44-89-15.
