20-nji iýunda Aşgabadyň Mukamlar köşgünde ýurdumyzyň at gazanan artisti Resul Gylyjowyň ýolbaşçylygyndaky Türkmenistanyň Döwlet simfoniki orkestriniň «Disney&Pixar» atly konserti geçiriler.
Konsertiň başlanjak wagty 19:00-a meýilleşdirildi.
Diňleýjiler üçin bütin dünýäde tomaşaçylaryň uly söýgüsini gazanan meşhur animasiýa filmleriniň saz eserlerinden we mukamlaryndan ybarat bolan maksatnama taýýarlanyldy.
Simfoniki orkestriň ýerine ýetirmeginde «Şa Ýolbars», «Ýokaryk», «Koko», «Tarzan», «Kung-fu panda», «Eldorada barýan ýol», «Ratatuý», «Doňan ýürek», «Meri Poppins», «Notr-Damly bükür», «Enkanto», «Moana», «Madagaskar» we beýleki köp sanly animasiýa filmleriniň sazlary ýaňlanar.
Guramaçylaryň bellemegine görä, bu konsert dürli ýaşdaky tomaşaçylar üçin niýetlenip, tanyş saz temalaryny täzeçe simfoniki işlenilişde diňlemäge ajaýyp mümkinçilik döreder.
Biletleri şu telefon belgileri arkaly alyp bilersiňiz: 72 45 12, (+993) 63 46 71 77, 26 69 17, 51 41 57 we (+993) 64 03 74 56.
