Hytaýyň Yutu-2 roweri Aýyň üstündäki iň uzak ömürli apparat boldy. Hasaplamalara görä üç aý hyzmat etmeli rower ýedi ýyldan gowrak wagt bäri Aýyň beýleki tarapyny söküp ýör.
Yutu-2 2019-njy ýylyň ýanwarynda Aýyň beýleki tarapyna ilkinji gezek pessaý gonuşy amala aşyran Chang’e-4 missiýasynyň çäginde uçurylypdy. Gonuş modulyndan aýrylandan soň, rower Aýyň üstüni öwrenmäge başlady.
Rower kyn şertlerde işleýär: hemrada temperatura gündizine 150°C-dan ýokary galyp, gijesine -180°C-a çenli pese düşüp bilýär. Durnukly işlemek üçin apparat temperatura gözegçilik ulgamyny ulanýar we awtomatiki usulda uky režimine geçýär.
Ýutu-2 öz missiýasynyň dowamynda topragyň geologik gurluşyny öwrenmäge mümkinçilik berýän ylmy maglumatlary iberdi, şeýle hem onuň üstünde aýna şarjagazlary tapdy. Bu maglumatlar bize Aýyň taryhyna we Gün ulgamynda bolup geçýän proseslere has gowy düşünmäge kömek edýär.
Hytaý Aý maksatnamasyny ösdürmegini dowam etdirýär. Chang’e-7 missiýasyny şu ýyl uçurmak meýilleşdirilýär. Apparat suw buzuny gözlemek üçin Aýyň günorta polýusyna iberiler.
