Ministrler Kabinetiniň Başlygynyň orunbasary N.Atagulyýew Hökümet mejlisiniň dowamynda ýurduň dokma senagaty pudagyny has-da kämilleşdirmek boýunça alnyp barylýan işler barada hasabat berdi.
Bellenilişi ýaly, häzirki wagtda ýerli çig mal serişdelerinden daşary ýurt bazarlarynda uly isleg bildirilýän ýokary hilli ýüň ýüplügini öndürmek boýunça zerur çäreler görülýär. Bu işler içerki bazaryň isleglerini doly kanagatlandyrmak bilen birlikde, ýurduň eksport mümkinçiliklerini has-da artdyrmaga gönükdirilendir.
Şunuň bilen baglylykda, wise-premýer döwlet Baştutanynyň garamagyna degişli teklibi hödürledi.
Döwlet Baştutany hasabaty diňläp, ýurduň dokma kärhanalarynda döwrebap we bäsleşige ukyply önümleriň öndürilýändigini belledi. Serdar Berdimuhamedow Mary welaýatynyň Baýramaly şäherindäki dokma toplumynda täze önümçiligi işe girizmek boýunça degişli işleri geçirmegi wise-premýere tabşyrdy.
