Google-da täze ýazylýan kodlaryň takmynan 75 göterimi emeli aň gurallarynyň kömegi bilen döredilýär. Bu barada kompaniýanyň ýolbaşçysy Sundar Piçaý «Cloud Next 2026» maslahatyna bagyşlanan blog ýazgyda habar berdi.
Onuň sözlerine görä, şeýle kodlaryň paýy geçen ýylyň güýzünde 50 göterime, 2024-nji ýylyň ahyrynda bolsa bary-ýogy 25 göterime deňdi.
Piçaý kompaniýada «doly agentli iş akymlary» diýlip atlandyrylýan usulyň ulanylýandygyny belledi. Inžener tabşyrygy kesgitleýär, emeli aň bolsa ony birnäçe tapgyra bölýär we ýerine ýetirýär. Netijede, meselem, kodlary bir ulgamdan başgasyna geçirmek ýaly çylşyrymly taslamalar has çalt amala aşyrylýar. Hususan-da, «Gemini» modeliniň macOS üçin niýetlenen wersiýasynyň üstünde işlenilende, işçi topary bary-ýogy birnäçe günüň dowamynda ilkinji işjeň nusgany döretmegi başardy.
Google kompaniýasy emeli aňyň kody döretmek üçin ulanylýandygyny, emma ahyrky barlagyň we kararlary kabul etmegiň inženerleriň jogapkärçiliginde galýandygyny aýratyn nygtaýar. Statistika diňe barlagdan geçen we işçi ulgama goşulan kod bölekleri girizilýär.
