Bäsdeşlik gurşawynyň güýçlenmegi bilen «ChatGPT» çat-botunyň meşhurlygy kem-kemden azalýar. Ulanyjylar emeli aňyň alternatiw hyzmatlary bolan «Gemini» we «Claude» ýaly platformalara geçip başladylar.
«Similarweb» analitik kompaniýasynyň maglumatlaryna görä, 2026-njy ýylyň mart aýynda emeli aň gurallarynyň arasynda «ChatGPT-niň» dünýä boýunça web-trafikdäki paýy 56,72 göterime deň boldy. Bu görkeziji geçen ýyl 77,43 göterim bolupdy.
Öňdebaryjy ornuny saklap galýandygyna garamazdan, «ChatGPT»-niň bazardaky gatnaşygynyň azalmagy gysga möhletli meýilnamada has-da aýdyňlaşýar. Bilermenler bu tendensiýany bäsdeş platformalaryň ulanyjylaryň gündelik meselelerini çözmekde has netijeli işlemegi bilen düşündirýärler.
Soňky üç aýyň dowamynda akymdaky otrisatel basyş generatiw emeli aň gurallarynyň dürlüliginiň artýandygyny we bu ugurda durnukly ösüşiň dowam edýändigini tassyklaýar.
