Wýetnam daşary ýurtly syýahatçylar üçin sanly gelmek kartyny synagdan geçirmäge başlady. Bu ulgam ilki bilen Hoşimin şäherindäki Tanşonnýat howa menzilinde işläp başlady. Soňlugy bilen ony beýleki giriş nokatlaryna hem ýaýratmak meýilleşdirilýär.
Anketany öňünden ýörite portal arkaly doldurmaly. Soňra QR kody döredilýär we ol serhetde görkezilmeli.
Bu talap üstaşyr geçýän ýolagçylardan we Wýetnamyň öz raýatlaryndan başga ähli daşary ýurt raýatlaryna degişlidir.
Maglumatlary girişden 72 sagat öň tabşyryp bolýar. Syýahat operatorlary formany doldurmagyň takmynan 10 minut wagt alýandygyny aýdýarlar. Hyzmat rus dilini goldaýar we pasport ýüklenýärkä maglumatlary bölekleýin awtomatik doldurýar.
Häzirlikçe ulgam synag häsiýetli bolsa-da, geljekde onuň hökmany bolmagyna we gözegçilik nokadyndan geçmek prosesini çaltlaşdyrar diýip garaşylýar.
