Astanada geçirilen Araly halas etmegiň halkara gaznasyny (AHHG) esaslandyryjy döwletleriň Baştutanlarynyň Geňeşiniň mejlisinde sebit we ekologiýa howpsuzlygy, Aral deňzini halas etmek we bu ugurda netijeli gurallary işläp taýýarlamak, tagallalary birleşdirmek we AHHG-niň işini kämilleşdirmek ýaly möhüm meselelere üns berildi.
Mejlisiň netijeleri boýunça şu möhüm resminamalara gol çekildi:
- Araly halas etmegiň halkara gaznasyny esaslandyryjy döwletleriň Baştutanlarynyň Astana Beýannamasy;
- Gaznanyň Prezidentini saýlamak hakynda Araly halas etmegiň halkara gaznasyny esaslandyryjy döwletleriň Baştutanlarynyň Çözgüdi;
- Gazagystan Respublikasynyň Araly halas etmegiň halkara gaznasyna başlyklyk etmeginiň netijeleri hakynda Araly halas etmegiň halkara gaznasyny esaslandyryjy döwletleriň Baştutanlarynyň Çözgüdi;
- 26-njy mart – Aral deňziniň, Amyderýanyň we Syrderýanyň halkara güni diýip makullamak we döretmek hakynda Araly halas etmegiň halkara gaznasyny esaslandyryjy döwletleriň Baştutanlarynyň Çözgüdi.
