2026-njy ýylyň 20-nji aprelinde Türkmenistanyň daşary işler ministri Raşid Meredow bilen Eýran Yslam Respublikasynyň Ýol we şäher gurluşygy ministri Farzane Sadegiň arasynda telefon arkaly söhbetdeşlik geçirildi. Bu barada Türkmenistanyň DIM-i habar berýär.
Söhbetdeşligiň dowamynda taraplar Ykdysady hyzmatdaşlyk boýunça türkmen-eýran hökümetara toparynyň 18-nji mejlisinde gazanylan ylalaşyklaryň durmuşa geçirilişini we hyzmatdaşlygyň geljekki ugurlaryny seljerdi. Gepleşikleriň dowamynda medeni-ynsanperwer gatnaşyklaryň ähmiýeti aýratyn bellenilip geçildi.
Farzane Sadeg 2026-njy ýylyň 14-nji martynda Gurbanguly Berdimuhamedow adyndaky haýyr-sahawat gaznasy tarapyndan Eýranyň halkyna, aýratyn-da, çagalara iberilen ynsanperwer kömegi üçin türkmen tarapyna çuňňur minnetdarlygyny bildirdi. Bu ynsanperwer ädim iki goňşy döwletiň arasyndaky dostluk-doganlyk gatnaşyklarynyň barha pugtalanýandygynyň aýdyň nyşany hökmünde bellenildi.
