Nankin tehnologiýa uniwersitetiniň alymlary elektrik awtoulaglarynyň batareýalaryny gyzmakdan we ýanyp gitmekden goraýan material oýlap tapdylar diýip, CarNewsChina ýazýar.
Bu işlenip düzülen önüm kremniý dioksidine esaslanýan inçe, 2,3 mm galyňlykdaky aerogel listinden ybarat. Material doly diýen ýaly howadan ybarat bolup, bu bolsa ýylylyk geçirijiligini peseldýär we ýylylyk berijiligi haýalladýar.
Onuň maksady batareýanyň elementleriniň arasynda aşa gyzgynlygyň ýaýramagynyň öňüni almakdyr. Bu, aýratyn hem, temperatura çürt-kesik ýokarlanyp, ýangyna sebäp bolup bilýän gyzgynlygyň ýokary depýän döwründe möhümdir.
Material 1300 gradus gyzgynlyga çenli çydap bilýär. Synaglaryň dowamynda onuň bir tarapy bäş minutlap 1000 gradusa çenli gyzdyryldy, şonda beýleki tarapy 100 graduslygyna galdy. Şeýle temperatura tapawudy iki sagada çenli saklanyp bilýär.
Materialyň güýçli basyş astynda hem berkligini saklaýandygy bellenilýär.
Işläp düzüjiler bu tehnologiýanyň eýýäm batareýa öndürijiler tarapyndan ulanylýandygyny habar berýärler.
