Geçen hepdede Türkmenistanyň Döwlet haryt-çig mal biržasynyň söwdalarynda jemi 18 sany geleşik hasaba alyndy. Bu barada TDH habar berýär.
Daşary ýurtly işewürler, hususan-da, Türkiýäniň, Birleşen Arap Emirlikleriniň, Özbegistanyň, Hindistanyň we Gyrgyzystanyň wekilleri daşary ýurt puluna tehniki kükürt kislotasyny, binýatlyk ýagy, dürli görnüşli nah matalary, buýan köküniň ekstraktyny, bugdaý ununy we beýleki dokma önümlerini satyn aldy. Bu geleşikleriň jemi bahasy 28 million 74 müň ABŞ dollaryndan gowrak boldy.
Şonuň bilen birlikde, ýurduň telekeçileri içerki bazar üçin bahasy 20 million 955 müň manada deň bolan pagta süýümini, çig ýüpegi we nah ýüplügini satyn aldy.
