Her ýyl aprel aýynyň soňky ýekşenbesinde Türkmenistanda Türkmen bedewiniň milli baýramy bellenilýär. Bu şanly waka mynasybetli Türkmenistanyň Döwlet sirki nusgawy sirk sungatyny we türkmen halkynyň öboluşly mirasyny özünde jemleýän täze meýilnamasyny taýýarlady.
Täze şüweleň üýtgeşik öwüşgin bilen tapawutlanar. Elbetde, sirk diýeniňde hemişe çagalary begendirýän akrobatlar, žonglýorlar we dünýäniň dürli künjeklerinden getirilen täsin haýwanlar göz öňüne gelýär. Ýöne agşamyň esasy mazmuny diňe bir ýörite effektler däl-de, eýsem ynsan bilen bedewiň arasyndaky janly baglanyşyk bolar.
Sahna daşary ýurtlarda türkmen sirk sungatyny tanadan meşhur «Galkynyş» milli at üstündäki oýunlar topary hem-de «Türkmen jigitleri» ussatlary çykar. Olar diňe bir çylşyrymly tilsimleri däl, eýsem köp ýyllaryň dowamynda kämilleşdirilen ynsan we bedew arabaglanyşygynyň nämelere ukyplydygyny görkezer.
Şeýle hem myhmanlara «Gündogar ýyldyzlary» toparynyň ýaş artistleriniň çykyşlary garaşýar.
Dabaraly çykyş 26-njy aprelde sagat 18:00-da bolar.
Biletleri kassadan ýa-da resmi sirk.gov.tm saýtyndan elektron görnüşde satyn alyp bilersiňiz.
Habarlaşmak üçin telefon belgileri: 39-80-44; 39-80-45; 36-10-95; 36-10-34.
