Hytaýdaky alymlar ölüm howply ýapyk görnüşli nodawirusy (CMNV) dowamly gipertoniki wirusly uweite sebäp bolujy hökmünde anykladylar, bu bolsa çişmä we gözüň içinde gan basyşyň ýokarlanmagyna sebäp bolýan dowamly keseldir.
Nature Microbiology žurnalynda çap edilen barlagda öň diňe deňiz jandarlaryna (krewetkalar, deňiz mollyuskalary we balyklar) täsir eden wirusyň indi adamlara geçip, belli bir oftalmologik zeperlenmelere sebäp bolmak ukybyna eýe bolandygy tassyklanyldy.
Patogeni gözlemeklik ähli belli bolan göz ýokançlary üçin synaglaryň negatiw netije beren hassalarynyň sanynyň artmagy bilen başlandy. 2022-nji ýylyň ýanwaryndan 2025-nji ýylyň apreline çenli dowam eden barlagyň dowamynda hünärmenler elektron mikroskop arkaly 70 hassanyň dokumalaryny öwrendiler. Nusgalarda takmynan 25 nanometr ölçegli wirus bölejikleri tapyldy.
Altyn belgili antitelalary we genetiki materiallaryň yzygiderliligini ulanmak arkaly anyklanan wirus nodawirusyň suw haýwanlaryna ýokuşýan görnüşi bilen tas 100% gabat gelýändigini görkezdi. Onuň patogenligini doly tassyklamak üçin alymlar syçanlara wirus ýokuşdyrdylar. Netijede, olarda gözüň içinde gan basyşyň ýokarlanmagy ýaly, adamlarda duş gelýän alamatlar ýüze çykdy.
Barlaga gatnaşyjylaryň durmuş ýörelgesiniň seljermesi olaryň takmynan 75% -iniň çig deňiz önümlerini iýendigini ýa-da olary elliksiz taýýarlandygyny görkezdi.
Şol bir wagtyň özünde CMNV dünýä derejesinde ýaýran: ol Aziýada, Afrikada, Ýewropada, Amerikada we hatda Antarktidada haýwanlaryň 49 görnüşinde tapyldy.
Wirusyň tebigatda giňden ýaýrandygyna garamazdan, bilermenler howsala düşmezligi maslahat berýärler: häzirki wagtda CMNV-niň adamdan adama geçýändigine hiç hili subutnama ýok.
Agyr göz keseliniň öňüni almak üçin hünärmenler çig deňiz önümlerini ellände seresap bolmagy we gorag serişdelerini ulanmagy maslahat berýärler .
