Hytaýda täze tanyşdyrylan «Tecno Spark 50 4G» smartfony žurnalistleriň bada-bat ünsüni çekdi. Olaryň pikiriçe, bu enjamyň dizaýny geljekki «iPhone 17 Pro Max» modeliniň görnüşini gaýtalaýar.
Täze smartfonyň yzky paneli, ýagny kameralarynyň ýerleşişi özboluşlylygy bilen tapawutlanýar. Enjamda üç sany sensor we olardan biraz uzakda ýerleşýän ýagtylandyryjy ýerleşdirilip, olar keseligine çekilen dizaýn blogyny emele getirýärler.
Smartfonyň ekranyndaky diwar suratlarynyň «iPhone Air» stilinden ylham alnandygy göz-görtele bildirip dur.
Şol bir wagtda hünärmenler, eger Apple-de bu suratlaryň belli bir manysy (Air diýen abstrakt ýazgy) bar bolsa, Tecno-da olaryň ýöne bir çyzgylardan ybaratdygyny belleýärler.
Tehniki görkezijileri boýunça bu smartfon başlangyç (baza) segmentine degişlidir. Enjam 6,78 dýuýmlyk IPS-matrisaly ekran, Helio G81 prosessory, 50 megapiksel esasy kamera, şeýle-de IP64 standart boýunça suwdan we tozandan gorag ulgamy bilen üpjün edilen.
Häzirki wagtda smartfonyň nyrhy barada maglumat berilmeýär. Şeýle-de, bu modeliň dünýä bazaryna çykaryljakdygy ýa-da çykarylmajakdygy barada hem resmi habar ýok.
