Türkmenistanyň Prezidenti Serdar Berdimuhamedow Wýetnamyň Kommunistik partiýasynyň Merkezi komitetiniň Baş sekretary To Lama Wýetnam Sosialistik Respublikasynyň Prezidenti wezipesine saýlanylmagy mynasybetli mähirli gutlaglaryny we iň gowy arzuwlaryny ýollady.
Döwlet Baştutany pursatdan peýdalanyp, jenap To Lama berk jan saglyk, egsilmez gujur-gaýrat, Wýetnamyň halkynyň mundan beýläk-de öňe gitmegine we gülläp ösmegine gönükdirilen ähli başlangyçlarynda uly üstünlikleri arzuw etdi.
Wýetnamyň Prezidentiniň soňky saýlawlary ýakynda — 2026-njy ýylyň 7-nji aprelinde geçirildi. Ýurduň Milli ýygnagy bu wezipä şol bir wagtyň özünde Wýetnamyň Kommunistik partiýasynyň Merkezi Komitetiniň Baş sekretary wezipesini hem eýeleýän To Lamy saýlady. Şeýlelikde, ol ýurduň taryhynda iň ýokary döwlet we partiýa wezipelerini utgaşdyrýan üçünji lider boldy.
