Reuters agentliginiň habar bermegine görä, Hindistanyň kino industriýasy filmleri dublýaj etmek we bar bolan kadrlary üýtgetmek üçin emeli aňy işjeň ulanyp başlady.
Bu tehnologiýa filmleri dürli dillere terjime etmek bilen birlikde, aktýoryň dodak hereketlerini täze sese görä sazlamaga-da mümkinçilik berýär.
Emeli aňyň iň täsin ulanylan ýeri 2013-nji ýylyň meşhur «Raanjhanaa» filmi boldy. Filmiň awtorlary onuň kömegi bilen kinonyň asyl nusgadaky gynançly soňlamasyny bagtly jemlemä öwürdiler. Täze çemeleşme tomaşaçylarda uly gyzyklandyrma döretdi we adamlary gaýtadan kinoteatrlara çekdi.
Dünýäde iň köp film öndürýän Bolliwud häzirki wagtda emeli aňa strategik gural hökmünde garaýar. Bu tehnologiýalar filmleri halkara bazaryna çykarmagy aňsatlaşdyrýar we islendik dilde aktýoryň oýnunyň tebigylygyny saklamaga kömek edýär.
