Mundan 16 ýyl ozal, 2010-njy ýylyň 6-njy aprelinde Pekinde düýbi tutulan Xiaomi kompaniýasy häzirki wagtda dünýäniň tehnologiýa ägirtleriniň birine öwrüldi. Kompaniýanyň esaslandyryjysy Leý Szyun bu şanly sene mynasybetli ýörite ýatlama suratlaryny paýlaşdy.
Üstünlikli menziliň ilkinji ädimi 2010-njy ýylda döredilen MIUI programmasy bolupdy. 2011-nji ýylda çykan ilkinji smartfon – Xiaomi Mi 1 bary-ýogy 34 sagadyň içinde 300 müňden gowrak sargyt alyp, uly seslenme döretdi.
2026-njy ýylyň başyndaky maglumatlara görä, Xiaomi dünýäde akylly sagatlar we bilezikler bazarynda iň köp haryt satan kompaniýa bolup, birinji orna geçdi.
Kompaniýa diňe bir telefon bilen çäklenmän, öý tehnikalaryndan başlap, häzirki zaman elektromobillerine çenli hemme zady öndürýär.
Xiaomi bu üstünlikleriň üstüni täze görkezijiler bilen doldurmak isleýär. Şoňa görä-de, kompaniýa ýakyn 3 ýylyň içinde emeli aňy ösdürmek üçin $8,7 milliardan gowrak pul sarp ediler. Bu uly möçberli serişde ähli enjamlaryň (telefondan maşyna çenli) emeli aň bilen has akylly we sazlaşykly işlemegi üçin ulanylar.
Bir söz bilen aýdylanda, ýönekeýje bir programmadan başlanan Xiaomi 16 ýylyň içinde biziň durmuşymyzy biri-birinden akylly enjamlar bilen gurşap almagy başardy.
