30-njy mart güni irden Günde ýokary derejeli X klasly partlama hasaba alyndy. Bu iki aýa golaý wagtyň içinde ilkinji gezek ýüze çykan şeýle hadysadyr.
Russiýanyň Ylymlar akademiýasynyň Kosmos barlaglary institutynyň Gün astronomiýasy laboratoriýasynyň we Gün-Ýer fizikasy institutynyň (XRAS) maglumatlaryna görä, şeýle derejedäki öňki partlama 4-nji fewralda syn edilipdi.
Işjeňligiň çeşmesi öň hem plazma çykaran şol bir sebitde ýerleşýär. Ol 28-nji martda hem plazma buludyny çykarypdy, ýöne şol gezekde akym Ýerden sowa geçdi.
Täze partlama koronal massanyň zyňylmagy - zarýadly bölejikleriň buludy bilen utgaşdy. Gözegçiliklere görä, maddanyň esasy bölegi planetadan sowa geçýär. Şeýle-de bolsa, traýektoriýa takmynan 40 gradus gyşardy, şonuň üçin hem buludyň bir ujunyň her näme-de bolsa Ýere degmegi mümkin.
Bilermenler bu ýagdaýda geomagnit tupanlarynyň gowşak bolmagynyň mümkindigini belleýärler. Olar radio aragatnaşygyna we hemralara täsir edip biler, şeýle hem 55 gradusa çenli giňişliklerde polýar şapagyny döredip biler.
Aprel aýynyň başynda uçurylmagy meýilleşdirilýän "Artemis-2" missiýasyna taýýarlyk işleriniň dowam edýändigi sebäpli ýagdaý ünsi özüne çekýär. NOAA-dan galjaň ýagdaýda NASA-ny töwekgelçilikler barada habardar etmek talap edilýär. Ilkinji modeller buludyň 1-nji aprel gijesinde Ýere täsir edip biljekdigini görkezýär, ýöne çaklama entek takyklanýar.
