Alymlar Günüň işjeňliginiň artmagynyň, atmosferanyň ýokarky gatlaklarynyň giňelmegi sebäpli, kosmos galyndylarynyň Ýeriň orbitasyndan çykmagyny çaltlaşdyrýandygy barada netijä geldiler.
Bu barlag 36 ýylyň dowamynda 17 sany kosmos galyndysynyň hereketiniň seljermesine esaslanýar. Barlagçylar orbital üýtgeşmeleri Gün tegmilleriniň siklleri we Gün radiasiýasynyň üýtgemeleri bilen deňeşdirdiler.
Barlagçylaryň maglumatlaryna görä, Gün işjeňliginiň ýokary döwründe atmosferanyň ýokarky gatlagy has dykyzlaşýar. Bu bolsa pes orbitadaky obýektleriň has uly garşylyga sezewar bolmagyna we beýikligini has çalt ýitirmegine sebäp bolýar.
Hereketdäki hemralar üçin bu köplenç ýygy-ýygydan orbitasyna düzedişleri girizmeli we köp ýangyç sarp etmeli bolýandygyny aňladýar. Kosmos galyndylary üçin bolsa ters täsir ýüze çykýar: obýektler atmosfera adatdakydan çalt girýär we ýanýar.
Barlagyň awtorlary netijeleriň orbitadaky obýektleriň ömrüni we çaknyşma howpuny has takyk kesgitlemäge kömek etjekdigine ynanýarlar. Dürli çaklamalara görä, häzirki wagtda Ýeriň orbitasynda 130 milliona golaý kosmos galyndylary - işlemeýän hemralardan başlap, heläkçiliklerden galan kiçi galyndylaryna çenli aýlanyp ýör.
