Amerikanyň Kardiologiýa kollejiniň ýyllyk ylmy maslahatynda hödürlenen täze barlaglaryň birinde ýokarky we aşaky gan basyşyň arasyndaky uly tapawudyň huşsuzlygyň ýüze çykmak howpuny döredýändigi hakynda aýdylýar.
Alymlar muňa göz ýetirmek üçin 50 ýaşdan uly bolan 8 500-den gowrak adamyň maglumatlaryny seljerdiler. Barlagyň dowamynda iň ýokary basyş we iň pes basyş görkezijileri yzygiderli ölçenildi. Bu iki görkezijiniň arasyndaky tapawuda «puls basyşynyň indeksi» diýilýär.
Netijede puls basyşynyň indeksi we ýürek urşunyň ýygylygy ýokary bolan adamlarda aň işjeňliginiň bozulma howpunyň takmynan 76% ýokarydygy bilindi. Şeýle hem alymlar barlagyň barşynda damarlaryň çeýeligini-de üns berdiler. Şonda damarlary gatan adamlarda demensiýa has köp duş geldi.
Bu görkezijileri adaty gan basyşyny we pulsy ölçemek arkaly aňsatlyk bilen anyklap bolýar. Şeýle edilende, lukmanlara wagtynda ýüz tutup, huşsuzlyk howpunyň öňüni alyp bolardy. Şol bir wagtda, bu ýagdaý lukmanlara-da näsaglaryň gan basyşyny gözegçilikde saklap, gijä galmazdan, olaryň durmuş ýörelgesini üýtgetmek üçin zerur maslahatlary berip ýetişmäge şert döredip biler.
