Russiýanyň Ozon onlaýn söwda platformasy Türkmenistanyň ilaty üçin satuwlaryň başlanandygyny yglan etdi. Alyjylar indi ozon.tm platformasynda çagalara niýetlenen önümlerden başlap, hojalyk harytlaryna çenli dürli görnüşli 150 milliondan gowrak önümi tapyp bilerler.
Deslapky tapgyrda eltip bermek hyzmaty diňe Aşgabatda amala aşyrylýar. Sargytlary “Türkmenpoçta” bölümlerinden alyp bolýar. Harydyň eltip berliş möhleti on gün.
Kompaniýa aprel aýynda logistika hyzmatlaryny giňeltmegi, beýleki sebitlere eltip bermegi ýola goýmagy we kurýer hyzmatyny goşmagy meýilleşdirýär. Eltip bermek möhletleriniň gysgaldylmagyna garaşylýar.
Eltip bermegi guramak üçin, onlaýn-bazarda hasaba durmaly we Ozon hasabyňyz bolmaly. Töleg diňe VISA we Mastercard arkaly amala aşyrylýar.
“Biz ýurtda elektron söwdany ösdürmekde uly mümkinçilikleri görýäris” - diýip, CEO Ozon GDA kompaniýasynyň baş direktory Natalýa Boýer aýtdy we kompaniýanyň gündelik söwda üçin amatly hyzmata öwrülmegine umyt baglaýandygyny sözüniň üstüne goşdy.
Ozon 2021-nji ýyldan bäri halkara işini ösdürýär. Kompaniýa GDA-nyň birnäçe ýurtlarynda, şol sanda Gazagystanda, Özbegistanda, Belarusda, Ermenistanda, şeýle hem Hytaýda we Türkiýede iş alyp barýar.
Türkmenistanyň bazaryna girmegi bilen, bazaryň geografiki orny on bir ýurda çenli giňeldi.
