Astronomlar “Habbl” we “Jeýms Webb” teleskoplaryndan alnan maglumatlary birleşdirip, Saturnyň iň detally şekilini aldylar diýip, Space.com neşiri ýazýar.
OPAL maksatnamasynyň çäklerinde 2024-nji ýylyň awgust aýynda “Habbl”-dan edilen gözegçilikler planetany görünýän ýagtylykda görkezdi, bu bolsa bulut zolaklaryny we atmosfera üýtgeşmelerini anyklamaga mümkinçilik berdi. Takmynan 14 hepde soň “Jeýms Webb” kosmos teleskopyndan alnan maglumatlar infragyzyl gözegçilikleriň hasabyna kartinanyň üstüni ýetirdi.
Infragyzyl şöhleler atmosferanyň has çuň gatlaklaryny, demirgazyk giňişliklerdäki reaktiw akymlary, polýuslarda mümkin bolan işjeňligi we günorta ýarym şardaky tupanlary görmäge kömek etdi.
Saturnyň suw buzundan ybarat bolan halkalary “Habbl” teleskopynyň suratlarynda Gün şöhlesini aýdyň yzyna serpikdirýär. “Jeýms Webb”-iň suratlarynda olar has-da tapawutly görünýär we merkezi bölegiň gurluşy we daşky halkadaky tapawutlar ýaly goşmaça detallary açyp görkezýär.
Bilelikdäki maglumatlar planetanyň daşky görnüşiniň tolkunyň uzynlygyna baglylykda nähili üýtgeýändigini we onuň atmosferasy barada has doly düşünje berýändigini görkezdi.
