Tom Hollandyň gatnaşmagyndaky «Möý-adam: Düýbünden täze gün» (Человек-паук: Совершенно новый день) filminiň treýleri taryhda 1,1 milliard tomaşa sanyndan geçen ilkinji wideorolik boldy.
Surata düşürilen wideo ilkinji gije-gündiziň dowamynda 718,6 million tomaşa toplap, mundan ozalky rekordy eýelän «Dedpul we Rosomahanyň» (365 million tomaşa) görkezijisinden ep-esli öňe geçdi.
Häzirki wagtda bu wideo diňe bir filmleriň arasynda däl, eýsem wideooýunlaryň arasynda-da, hatda GTA VI oýnunyň ilkinji treýlerini hem yzda galdyryp, birinji ýeri eýeleýär.
Filmiň premýerasy 31-nji iýula meýilleşdirilýär. Bu Tom Hollandyň dünýä prokatynda 1,9 milliard dollar girdeji gazanan «Öýe ýol ýok» (Нет пути домой) filminden soňra Möý-adam hökmünde ilkinji gezek peýda bolmagydyr.
Treýler ýordumyň käbir detallaryny mälim edýär. Piter Parker mutasiýa bilen bagly bolup biljek organiki tor atyjylaryna eýe bolýar. Şeýle hem Bruklin köprüsindäki komikslerden ugur alýan sahna görkezilýär.
Wideoda Brýus Benner, Jeza beriji, Skorpion, Bumerang, Tarantul we "Ruka" klanynyň wekilleri peýda bolýarlar. Tomaşaçylar şeýle hem Jin Greýiň roluny ýerine ýetirip biljekdigi barada gürrüňler ýaýran Sedi Sinki hem suratlarda saýgardylar.
