18-nji martda Astanadaky L.N. Gumilýow adyndaky Ýewraziýa milli uniwersitetinde «Türkmenistanyň Garaşsyzlygynyň 35 ýyllygy: Garaşsyz, baky Bitarap Türkmenistan — bedew batly at-myradyň watany» atly tegelek stol geçirildi. Bu barada Türkmenistanyň DIM-iniň metbugat gullugy habar berýär.
Çärä uniwersitetiň ýolbaşçylary, mugallymlar we talyplar gatnaşdy. Gatnaşyjylar Türkmenistanyň daşary syýasatynyň esasy ugurlaryny, şeýle hem ýaşlar syýasaty ulgamynda görülýän çäreleri ara alyp maslahatlaşdy. Türkmenistan bilen Gazagystanyň arasyndaky köpýyllyk diplomatik gatnaşyklaryň syýasy, ykdysady we durmuş-medeni ugurlarda strategik hyzmatdaşlyk derejesine ýetendigi bellenildi.
Türkmen talyplary öz ýurdunayň abraýyny artdyrmaga, halklaryň arasyndaky dostlugy berkitmäge we akademiki hyzmatdaşlygy ösdürmäge taýýardyklaryny mälim etdi.
Şeýle hem Türkmenistanyň Garaşsyzlyk ýyllarynda gazanan üstünlikleriniň Halk Maslahatynyň Başlygy Gurbanguly Berdimuhamedowyň başlangyçlary we Türkmenistanyň Prezidenti Serdar Berdimuhamedowyň alyp barýan syýasaty netijesinde amala aşyrylýan özgertmeler bilen baglanyşyklydygy nygtaldy.
Daşary ýurtly talyplar bilim ulgamyndaky hyzmatdaşlygyň ýurtlary ýakynlaşdyrýan möhüm köpri bolup hyzmat edýändigini aýratyn belledi.
Tegelek stoluň gatnaşyjylary türkmen-gazak gatnaşyklarynyň ynanyşmak we hoşniýetli goşunçylyk häsiýetde ösýändigini tassyklady.
