Microsoft kompaniýasy täze Copilot Health hyzmatynyň işe girizilýändigini yglan etdi. Bu Copilot-yň içindäki goralan giňişlik bolup, onda ulgam ulanyjynyň saglygy baradaky maglumatlary seljerer we lukmançylyk maslahatlaryny berer.
Bu hyzmat lukmançylyk ýazgylaryny we dakynylýan enjamlardan (smart-sagatlar we ş.m.) alnan maglumatlary birleşdirýär. Bu bolsa dürli alamatlaryň we ýagdaýlaryň, meselem, ukynyň bozulmagynyň arasyndaky baglanyşyklary gözlemäge mümkinçilik berýär.
Microsoft 50 sany ýurtda lukmançylyk guramalary bilen hyzmatdaşlyk edýär we Milli lukmançylyk akademiýasynyň sertifikatyny aldy. Kompaniýanyň maglumatyna görä, bularyň hemmesi berilýän maslahatlaryň hilini we howpsuzlygyny üpjün etmeli.
Copilot Health, şeýle-de, ulanyja laýyk lukmany tapmaga kömek etmek üçin ABŞ-nyň lukmançylyk maglumatlar bazalaryna birigip biler.
Kompaniýa lukmançylyk maglumatlarynyň esasy Copilot hyzmatyndan aýratyn saklanýandygyny we pudaklaýyn standartlara laýyklykda goraglydygyny takyklady. Ulanyjy haýsy maglumatlary we kime bermelidigini özi çözüp biler.
Mundan başga-da, Copilot Health ISO/IEC 42001 — emeli aň dolandyryş ulgamlary üçin ilkinji halkara standartynyň sertifikatyny aldy. Bu sertifikat garaşsyz guramanyň hyzmaty dolandyryş ulgamyny barlagdan geçirendigini tassyklaýar.
Hyzmaty synagdan geçirmek isleýänler Microsoft-yň sahypasynda garaşma sanawyna ýazylyp bilerler.
